80% కరోనా పేషెంట్స్ రక్తంలో అదే లోపం ?

Author: Share:

లండన్: కరోనావైరస్‌కి ఓ వైపు వ్యాక్సిన్ కనుక్కునేందుకు ప్రపంచవ్యాప్తంగా ఎన్ని ప్రయోగాలు జరుగుతున్నాయో… మరోవైపు కరోనా సోకుతున్న వారిపైనా అందుకు గల కారణాలపై పరిశోధనలు కూడా అదే స్థాయిలో జరుగుతున్నాయి.

స్పెయిన్‌లో జరిగిన ఓ పరిశోధనలో కొవిడ్-19 సోకిన వారిలో 80 శాతం మంది విటమిన్ డి (Vitamin D) లోపంతో బాధపడుతున్నట్టు తేలింది.

యూనివర్శిటారియో మార్క్యూస్ వల్డెసిల్లా హాస్పిటల్‌లో ( Hospital Universitario Marques de Valdecilla ) 216 మంది కొవిడ్-19 పేషెంట్స్‌ని పరీక్షీంచగా వారిలో 80 శాతం మందికి విటమిన్-డి లోపం ఉన్నట్టు తెలిసింది. అందులోనూ మహిళలతో పోల్చుకుంటే మగవారిలో విటమిన్ డి లెవెల్స్ మరీ తక్కువగా ఉన్నట్టు పరిశోధకుల అధ్యయనంలో వెల్లడైంది. క్లినికల్ ఎండోక్రినాలజీ అండ్ మెటాబాలిజం జర్నల్‌లో ఈ అధ్యయనం ఫలితాలను ప్రచురించారు.

ఇదే విషయమై స్పెయిన్‌లోని శాంటండర్‌లో ఉన్న కాంటాబ్రియా యూనివర్శిటీ ప్రొఫెసర్ జోస్ ఎల్ హెర్నాండెజ్ ( Jose L. Hernandez ) మాట్లాడుతూ..” డి విటమిన్ లోపంతో బాధపడే కరోనా పేషెంట్స్‌కి విటమిన్ డి చికిత్సను సిఫార్సు చేయాల్సిన అవసరం ఉంది” అని అభిప్రాయపడ్డారు. ”మరీ ముఖ్యంగా కొవిడ్-19 తీవ్ర ప్రభావం చూపించే వృద్ధులు, ఇతర రోగులలో విటమిన్ డి లోపాన్ని గుర్తించి అందుకు అనుగుణంగా వారికి చికిత్స చేపట్టినట్టయితే మెరుగైన ఫలితాలు కనిపించే అవకాశం ఉంది” అని హెర్నాండెజ్ తన పరిశోధనల్లో పేర్కొన్నారు.

Previous Article

వారికి కేసీఆర్ వంగి వంగి సలాం కొడుతున్నారు : కేంద్రమంత్రి కిషన్ రెడ్డి.

Next Article

బీజేపీ కార్యకర్తలు పై ఉగ్రవాదుల దాడులు.

You may also like

Leave a Reply

Your email address will not be published. Required fields are marked *

thirteen − one =